– Noregs mest koselege skirenn

Haukelirennet har ulike klasser som gjer at dette blir ein folkefest for alle aldrar og at terskelen for å bli med ikkje er så stor. Det er også lagt opp til at det skal vere ein familiedag, og det var mange familiar på Haukelifjell Skisenter denne dagen, der start og målgang var. Sjefen for rennet, Margit Slåtta Flothyl, håpa på ein bra dag med sol på morgonkvisten.

– Det er mange som ser an vêret før dei bestemmer seg for om dei blir med eller ikkje. Står folk opp til sol og fint vêr så er det mange som impulsivt raskar med seg skia og tek ein tur hit og går rennet, sa Flothyl frå arrangørklubben IL Rein.

Den største dugnaden