Runar avslutta sterkt under vanskelege forhold

Forholda sundag var langt frå optimale. Etter ei natt og morgon med regn var underlaget tungt og vått då eliteklassa starta den 50-kilometer-lange styrkeprøva i Bedrichov i Nord-Tsjekkia.

Mathisen var nummer 23 både ved fyrste stigning og i sprinten kring midt i løpet, men han manøvrerte seg stadig oppover på resultatlista mot slutten av løpet, og kom inn på oppløpet i den andre gruppa bak Kasper Stadaas, som gjekk inn til siger i einsam majestet.

– Det var 50 kilometer med rein slaps. Ein fekk ikkje stavfeste nokon stad, oppsummerte Mathisen til VTB etter målgang.