Skaug Mathisen i mål som nummer 19 i Marcialonga

Runar Skaug Mathisen frå Vinje klarte ikkje fylgje opp fjorårsprestasjonen i Marcialonga sundag. 19. plassen var likevel beste resultatet hans i Ski Classics i vinter.

Vinbyggjen som i fjor sette løyperekord då han gjekk heilt til topps i det prestisjetunge langeløpet, gjekk i mål som nummer 19, nesten fire minuttar bak Andreas Nygård som vann rennet.

Det har vore ein vanskeleg sesong for Skaug Mathisen til nå. Han var nummer 45 samanlagt i langløpcupen før 70 kilometers rennet i Italia sundag.