Sondre var med i sin aller fyrste konkurranse – reiste heim med NM-sylv

Golid fekk til saman 380 poeng i dei seks deløvingane, og tok med det 2.-plassen i si klasse, 40 poeng bak Daniel Werner Nilsson, som tok gullet. Golid hadde tilsvarande forsprang ned til Philip Westman på 3.-plass.

– Det var min aller fyrste konkurranse, og det gav veldig meirsmak, seier Golid til VTB etter brakdebuten.

Raulendingen var best av alle i blandingstevlinga og krafttevlinga, og nest best i teknisk ferdigheit og kroppsvekt. Undervegs i tevlingane hadde han meir enn berre øvingane å tenkje på.