Tommy (41) er altmoglegmann i kulissane: Far, trenar, smørjar og sjåfør

Slik var det då IL Rein-eldsjela sette seg i bilen og køyrde til Molde for å vere ein del av smøreteamet til Hovden skigymnas under juniorane si norgescupopning i Molde. Det er langt frå Edland og Hovden til Molde, så langt at dei fleste kvir seg for å køyre distansen i bil – i alle fall på vintervegar. Men det var ikkje noko problem for Tommy, som er van med å reise langt til skirenn. Slik har det vore heilt sidan han byrja å interessere seg for skisporten.

– Eg forstod tidleg at det kom til å bli mange timar i bil då eg som ung gut byrja å gå krinsrenn, og etter kvart Hovudlandsrennet og andre større renn. Slik blir det når ein bur i Øvre Telemark. Men eg har vorte van med det og tenkjer som oftast ikkje over dei store avstandane, seier Tommy, som byrja på skigymnas i Meråker det året han fylte 16 år. Han var der i tre år før han flytta heim att til bygda. Sidan har han stort sett budd der.

Tre aktive gutar